जळगाव प्रतिनिधी । जळगावातील एका हार्डवेअर दुकानाच्या बाहेरून आठ हजार रुपये लंपास केल्याची घटना घडली. याप्रकरणी अज्ञात चोरट्याविरुद्ध शनिपेठ पोलिस स्थानकात गुन्हा दाखल करण्यात आला आहे
हार्डवेअर दुकानाच्या ओटावरून कापडी पिशवीतील आठ हजाराची रोकड अज्ञात व्यक्तीने चोरून नेल्याची घटना घडली. शहरातील पंचमुखी हनुमान मंदिरा मागे रणछोडदास नगर येथे जुझर अब्बासभाई बदामी कामाच्या निमित्ताने अकबरअली शेख अब्दुल हुसैन हार्डवेअर दुकानावर कामाच्या निमित्ताने काल सोमवारी २ ऑगस्ट रोजी दुपारी ४ वाजेच्या सुमारास गेले. त्यावेळी ते दुकानाच्या ओट्यावर बसले होते. त्यावेळी अज्ञात चोरट्याने जुझार यांच्या ताब्यातील ८ हजार रूपयांची रोकड चोरून नेल्याचे उघडकीला आले आहे. याप्रकरणी शनीपेठ पोलीस ठाण्यात अज्ञात व्यक्तीविरोधात गुन्हा दाखल करण्यात आला आहे. पुढील तपास पो ना विजय निकम करीत आहे.
