जळगाव – जिल्ह्यातील मराठा विद्या प्रसारक संस्थेच्या वादातून पुन्हा एक गुन्हा दाखल झाला आहे. जयवंत भोईटे यांच्या घरावर दगडफेक करून भोईटे यांना धमकविण्यात आल्याप्रकरणी तालुका पोलिसात तिघांविरुद्ध गुन्हा दाखल करण्यात आला आहे. तसेच ३ मोटर सायकली वर ७ गुंड आले होते त्यांनी माझ्या भावाच्या गाडीवर रॉड ने मारून गाडीचे नुकशान ही केले. पोलीस प्रशासन माझा किंवा माझ्या घरातील सदस्यांचे मुडदे पडण्याची वाट बघतेय का ? असा प्रश्न जयंत भोईटे यांनी प्रशासनाबद्दल रोष व्यक्त करतांना केला.
गुरुवारी रात्री १०.१५ च्या सुमारास भोईटे हे घराच्या कंपाउंडला कुलूप लावून घरात होते.त्यावेळी कुणीतरी दगड फेकत असल्याचे जाणवल्याने भोईटे यांनी खिडकीतून डोकावून पाहिले. कल्पेश संभाजी भोईटे, प्रशांत विलास भोईटे, हेमंत जयवंत येवले हे दगडफेक करताना दिसून आले. जयवंत भोईटे यांनी जाब विचारला असता ते तिघे कंपाउंड गेटवरून उडी मारत आत आले आणि निलेश भाऊने तुला शेवटची ताकीद दिली आहे असे धमकावले. आवाज ऐकून शेजारील एक महिला बाहेर आली असता हल्लेखोरांनी त्यांना देखील शिव्या देऊन धमकावले. यावेळी हल्लेखोरांनी लाकडी दांड्याने दुचाकीचे देखील नुकसान केले. याप्रकरणी तालुका पोलिसात गुन्हा दाखल करण्यात आला आहे.
