जळगाव – सात वर्षीय मोठ्या मुलाला घेण्यासाठी सासरी राहत जात असतांना दुचाकीस्वाराला भरधाव कंटनेरने चिरडल्याची घटना रात्री ९ वाजेच्या सुमारास महामार्गावर गुजराल पेट्रोलपंपाजवळील बोगद्याजवळ घडली. या अपघातात दुचाकीस्वार नागेश्वर भंगी पवार वय ३५ या पित्यासह दुचाकीवर बसलेला त्यांचा मुलगा कार्तिक नागेश्वर पवार वय ५ वर्ष, दोन्ही रा. दत्त गॅरेजजवळ, पिंप्राळा या दोघांचा मृत्यू झाला आहे.
दरम्यान अपघातानंतर कंटेनरचालक हा घटनास्थळाहून पसार झाला होता. संतप्त नागरीकांनी घटनास्थळी कंटेनरची तोडफोड केली होती. याअपघाताप्रकरणी आज शनिवारी सकाळी रामानंदनगर पोलिसात गुन्हा दाखल झाला असून गुजराल पेट्रोलपंप परिसरात घटनास्थळाजवळच लपून बसलेल्या कंटनेरचालक अर्जुनकुमार सिंग वय ६५ रा. कोलकत्ता यास आज शनिवारी दुपारी २ वाजेच्या सुमारास रामानंद पोलिसांनी ताब्यात घेतले आहे.
