जळगाव – अखंड भारताचे शिल्पकार सरदार वल्लभभाई पटेल व आद्यकवी महर्षी वाल्मिकी यांच्या जयंतीनिमित्त अखिल भारतीय लेवा पाटीदार युवक महासंघातर्फे प्रतिमापूजन व माल्यार्पणाचा कार्यक्रम आयोजित करण्यात आला.
यावेळी माजी मंत्री एकनाथराव खडसे यांच्या हस्ते सरदार पटेल यांचे प्रतिमा पुजन , माल्यार्पण करण्यात आले . तसेच माजी महापौर तथा बहिणाबाई बिग्रेड च्या प्रदेशाध्यक्ष आशाताई कोल्हे यांच्या हस्ते महर्षी वाल्मिकी यांच्या प्रतिमेचे पुजन करून माल्यार्पण करण्यात आले .
यावेळी जळगावचे शहराचे पोलीस पाटील प्रभाकर पाटील , प्रगतिशील शेतकरी विलास चौधरी , अखिल भारतीय लेवा पाटीदार युवक महासंघाचे प्रदेशाध्यक्ष प्रदीप (बंडु) भोळे, परेश कोल्हे , बहिणाई ब्रिगेडच्या जिल्हा अध्यक्ष सुनिता नारखेडे, महानगराध्यक्षा हर्षा बोरोले, नगरसेविका मिनाक्षी पाटील , निलिमा पाटील खडके, माजी पंचायत समिती सभापती विजय नारखेडे , हॉटेल गौरवचे संचालक पिंटूशेठ पाटील , नगरसेवक प्रवीण कोल्हे , माजी नगरसेवक प्रदीप रोटे अजय बढे आदी उपस्थित होते .
