जळगाव – महाराष्ट्र शासनाच्या सूचनांनुसार 18 ते 45 वयोगटातील नागरिकांचे लसीकरण मर्यादित व प्रातिनिधिक स्वरूपात उद्या (1 मे) पासून सुरू होणार आहे. मात्र यासाठी Cowin app वर पूर्वनोंदणी करणे आवश्यक आहे. ही नोंदणी केल्यावर ज्यांना वेळ व लसीकरण केंद्राचा मेसेज येईल त्यांनाच लसीकरण उपलब्ध होणार आहे.
18 ते 45 वयोगटासाठी लसीकरण केंद्रावर नोंदणी करण्याची सुविधा नाही, त्यामुळे या वयोगटातील नागरिकांनी केंद्रावर गर्दी करू नये. असे आवाहन जिल्हा शल्य चिकित्सक डॉ.एन.एस.चव्हाण यांनी केले आहे. 45 पेक्षा जास्त वय असणाऱ्यांचे लसीकरण शासकीय केंद्रावर नियमितपणे सुरू राहील. असेही डाॅ.चव्हाण यांनी कळविले आहे.
