जळगाव प्रतिनिधी । जळगाव शहरात 3 दिवस जनता कर्फ्यू ठेवण्यात आला आहे. यामध्ये जनतेची गैरसोय होऊ नये म्हणून २४ तास सुरू ठेवणार नियंत्रण कक्ष सुरू करण्यात आले असून असे जिल्हाधिकारी राऊत यांनी माहिती दिली आहे.
जळगावात 11 मार्चपासून रात्री 8 वाजेपासून जनता कर्फ्यू सुरू करण्यात आला आहे. यात अत्यावश्यक सेवांचे अपवाद वगळता संपूर्ण बाजारपेठ आणि अन्य सेवा बंद राहणार आहेत. या कालावधीत नागरिकांना घरीच राहण्याचे आवाहन करण्यात आले आहे. दरम्यान, जनता कर्फ्यूच्या कालावधीत जनतेची गैरसोय होऊ नये म्हणून चोवीस तास सुरू राहणारा नियंत्रण कक्ष सुरू करण्यात आला आहे. याच्या अंतर्गत जळगाव जिल्हाधिकारी कार्यालयात ०२५७-२२१७१९३/२२२३१८० या क्रमांकावर तर पोलीस मुख्यालयातील ०२५७-२२२३३३३/२२३५२३२ या क्रमांकावर नागरिक कॉल करून अडचणींचे निरसन करू शकतात.
