जळगाव प्रतिनिधी । शहरातील पांडे चौक परिसरात असलेल्या पार्किंगला अज्ञात चोरट्यांनी दुचाकी लंपास केल्याची घटना 9 रोजी मंगळवारी घडली. याप्रकरणी अज्ञात चोरट्यांविरुद्ध एमआयडीसी पोलीस स्थानकात गुन्हा दाखल करण्यात आला आहे.
शहरापासून थोड्याच अंतरावर असलेल्या असोदा गावातील सुदर्शन सुधाकर पाटील (वय-३६) हे जळगाव शहरातील पांडे चौकातील लुंकड टॉवर येथे हिमालाया कंपनीत सेल्समनचे काम करतात. आसोदा ते जळगाव जाण्यायेण्यासाठी ( एमएच १९ बीडब्ल्यू ०३९९) क्रमांकाची दुचाकी आहे. नेहमीप्रमाणे 9 रोजी मंगळवार रोजी दुपारी ३.३० वाजता दुचाकी पार्किंग करून लावली होती. सायंकाळी ६.३० दुचाकीजवळ गेले असता दुचाकी जागेवर मिळून आली नाही. पांडे चौकात दुचाकीचा शोध घेतला परंतू मिळून आली नाही. त्याच दिवशी सायंकाळी ७ वाजता एमआयडीसी पोलीसात तक्रार दाखल केली.
आज बुधवार १० मार्च रोजी सकाळी दुचाकी मालक सुदर्शन पाटील यांच्या तक्रारीवरून एमआयडीसी पोलीसात गुन्हा दाखल करण्यात आला आहे. पुढील तपास पोना मिलींद सोनवणे करीत आहे.
