जळगाव प्रतिनिधी । शहरातील एचडीएफसी बँकेतून ६० वर्षीय वृद्धाच्या हातातून पैश्यांची बॅग चोरी करण्याच्या प्रयत्नात असलेल्या चोरट्याला नागरिकांनी पकडून चोप देऊन रामानंद नगर पोलिसांनी त्याला अटक करण्यात आली होती. याप्रकरणी त्या चोरट्याला न्यायालयाने त्याला एक दिवसाची पोलीस कोठडी सुनावण्यात आली आहे.
शनीपेठ येथे राहणाऱ्या धनराज प्रेमराज पुरोहित (वय-६०) रा. हे २० फेब्रुवारी रोजी दुपारी १ वाजता कामाच्या निमित्ताने काव्यरत्नावली चौकातील एचडीएफसी बँकेत आले होते. बँकेतून दोन लाख रूपयांची रोकड काढली व घरी जाण्यासाठी ते दुचाकीजवळ जात असतांना मागून व पिशवीत रक्कम ठेवून पायी घरी जाण्यासाठी निघाले. दुपारी १.३० वाजेच्या सुमारास मागुन चोरटा राहुल चौधरी हा दुचाकीने मागून येवून पैश्यांची पिशवी हिसकविण्याचा प्रयत्न केला असता प्रसंगावधानाने धनराज पुरोहित यांनी हातातील पिशवी सोडली नाही. यात दोघांची झटापट झाली. या घटनेत धनराज पुरोहित यांच्या पायाला जखमा झाले. त्यांनी आरडाओरड केल्यानंतर स्थानिक नागरीकांनी चोरटा राहूल चौधरी याला पकडले व बेदम मारहाण केली. व रामानंद नगर पोलीसांच्या ताब्यात देण्यात आले होते. संशयित आरोपी राहूल उत्तम चौधरी यांच्याविरूध्द रामानंदनगर पोलीस स्थानकात गुन्हा दाखल करण्यात आला आहे. पुढील तपास सपोनि दिपक बिरारी करीत आहे.
