जळगाव प्रतिनिधी । तालुक्यातील आज विवाहितेने राहत्या घरात सकाळी 11 वाजेच्या सुमारास गळफास घेऊन आत्महत्या केल्याची घटना आज घडली. मृतदेहाला पंचनामा करण्यासाठी जिल्हा शासकीय रुग्णालयात आणण्यात आले.
विवाहिता शबनमबी इमाम पिंजारी (वय 25) रा. आव्हाणे ता.जि. जळगाव या गृहिणी असून एकत्र कुटुंबात राहतात. पती इमाम युनुस पिंजारी हे हातमजुरीचे काम करून आपल्या कुटुंबाचा उदरनिर्वाह करतात. शबनमबी पिंजारी यांनी दुमजलीच्या वरच्या खोलीत जाऊन ओढणीने गळफास घेऊन आत्महत्या केल्याची घटना सकाळी 11 वाजेच्या सुमारास उघडकीला आले.
आत्महत्या करण्याचे कारण अद्याप स्पष्ट झालेले नाही. तातडीने मृतदेह खाली उतरून जिल्हा वैद्यकीय महाविद्यालयात दाखल केले असता वैद्यकीय अधिकारी यांनी मयत घोषित केले. घटनेची माहिती मिळताच नशिराबाद येथील माहेरची मंडळी यांनी जिल्हा रुग्णालयात धाव घेतली असून प्रचंड आक्रोश केला होता. शेवटचे वृत्त हाती आले तेव्हा तालुका पोलिस स्थानकात अकस्मात मृत्यूची नोंद करण्यात आली.
