जळगाव प्रतिनिधी – सरस्वती विद्या मंदिर शिव कॉलनी जळगाव सुवर्णलता अडकमोल या शिक्षिकेने वाढदिवसानिमित्त ऑनलाइन निबंध स्पर्धा, चित्रकला स्पर्धा, घोषवाक्य स्पर्धा रंगभरण स्पर्धा इत्यादी स्पर्धेत व उपक्रमात सहभागी विद्यार्थ्यांना प्रमाणपत्र व शैक्षणिक साहित्य देऊन वाढदिवस साजरा केला.
शाळा जरी बंद असली तरी ऑनलाईन शिक्षण चालू आहे आणि या ऑनलाईन शिक्षणाच्या माध्यमातून सुवर्णलता अडकमोल या शिक्षिकेने विद्यार्थ्यांसाठी विविध उपक्रम घेतले.या उपक्रमांमध्ये सहभागी झालेल्या सर्व विद्यार्थ्यांना शैक्षणिक साहित्य वाटप केले.तसेच मौलाना आझाद जयंती निमित्त घेण्यात आलेल्या रंगभरण स्पर्धेमध्ये सहभागी झालेला विद्यार्थ्यांनादेखील मौलाना आजाद संस्थेचे अध्यक्ष फिरोज शेख सर यांनी सहभाग प्रमाणपत्र दिले आहे.
यावेळी विद्यार्थ्यांच्या चेहऱ्यावर आनंद आणि उत्साह ओसंडून वाहत होता. या उपक्रमाचे कौतुक ग स अध्यक्ष मनोज पाटील, शाळेच्या संचालिका प्रतीक्षा पाटील, प्राथमिक विभाग मुख्याध्यापिका कल्पना वसाने माध्यमिक विभाग मुख्याध्यापिका दिपाली देवरे स्वप्नील पाटील तसेच शिक्षक-शिक्षकेतर कर्मचारी या सर्वांनी शुभेच्छा देऊन कौतुक केले आहे.
