चाळीसगाव प्रतिनिधी । येथील घाट रोड परिसरातील हुडको परिसरात सायंकाळी झालेल्या गोळीबारात एक जण जखमी झाल्याची घटना घडली. जखमी झालेल्या तरूणावर उपचार सुरू असून त्याची प्रकृती स्थिर असल्याची माहिती सूत्रांनी दिली आहे. चाळीसगाव येथील घाट रोड परिसरातील हुडको भागात सायंकाळी ५.१५ वाजेच्या सुमारास अज्ञात दोन व्यक्तींनी यामाहा कंपनीच्या गाडीवर येऊन अचानक गोळीबार केला.
यात तीन गोळ्या झाडल्या गेल्या असून एक गोळी हवेत फायर झाली तर दुसरी जमिनीवर फायर झाले, असून एक गोळी शेख जुगर शेख वसीम या तरुणास मांडीवर लागल्याचे वृत्त असून सदर जखमी करून शहरातील देवरे हॉस्पिटल येथे उपचार घेत असल्याचे समजते. गोळीबाराची पोलिसांना माहिती मिळाल्यानंतर तात्काळ चाळीसगाव शहर पोलिस स्टेशनचे पोलीस निरीक्षक विजयकुमार ठाकुरवाड व त्यांच्या पथकाने घटनास्थळावर जाऊन पाहणी करून पुढील कारवाईसाठी हालचाली सुरू केल्या असल्याचे वृत्त आहे.
चाळीसगाव येथील घाट रोड परिसरातील हुडको भागात मदिना मशिदीजवळ सायंकाळी ५.१५ वाजेच्या सुमारास अज्ञात दोन व्यक्तींनी यामाहा कंपनीच्या गाडीवर येऊन अचानक गोळीबार केला. यात तीन गोळ्या झाडल्या गेल्या असून एक गोळी हवेत फायर झाली तर दुसरी जमिनीवर फायर झाले आहे. यात एक गोळी शेख जुगर शेख सलीम (बंबैय्या) या तरुणास मांडीवर लागल्याचे वृत्त असून सदर जखमी करून शहरातील देवरे हॉस्पिटल येथे उपचार घेत आहे. या तरूणाची प्रकृती आता स्थिर असल्याची माहिती पोलिसांनी दिली आहे. भरदिवसा चाळीसगाव शहरातील गजबजलेल्या वस्तीत घडलेल्या या प्रकाराने शहरातील वातावरण अचानक भितीदायक झाले असल्याचे दिसून येत आहे.
दरम्यान, अपर पोलीस अधिक्षक सचिन गोरे, चाळीसगाव शहर पोलिस स्टेशनचे पोलीस निरीक्षक विजयकुमार ठाकुरवाड व त्यांच्या पथकाने घटनास्थळावर जाऊन पाहणी करून संशयितांचा शोध सुरू केला आहे.
