जळगाव- शहरातील बीएचआर मल्टी- स्टेट सहकारी बँकेचे अवसायक जितेंद्र कंडारे यांच्या घरावर आज आर्थिक गुन्हे शाखेच्या पथकाने सकाळी धाड टाकल्याने प्रचंड र खळबळ उडाली आहे.जळगावात बीचआरच्या अवसायकाच्या निवासस्थानावर धाड.
शहरातील शिवाजीनगर भागात जितेंद्र कंडारे यांचे घर असून आज सकाळपासून त्यांच्या निवासस्थानी आर्थिक गुन्हे शाखेच्या पथकाने तपासणी सुरू केली आहे. सदर तपासणी नेमकी कोणत्या कारणासाठी करण्यात येत आहे याची माहिती मात्र अद्याप देण्यात आलेली नाहीत. मात्र आज पहाटेपासून बीएचआर संबंधित व्यक्तींच्या घरी धाड टाकण्यात आला आहे. समता नगरमध्येही पोलिसांच्या बंदोबस्तात पथक ठाण मांडून बसलेले आहे. सदर कारवाईमुळे प्रचंड खळबळ उडाली आहे.
