जळगाव – वाढदिवस हा केवळ आनंदाचा आणि उत्सवाचा दिवस न ठेवता समाजातील गरजू नागरिकांच्या सेवेसाठी समर्पित करण्याचा संकल्प शिवाजी पाटील यांनी केला आहे. आरोग्य क्षेत्रात गरजू रुग्णांना आवश्यक ती मदत मिळवून देण्यासाठी ते सातत्याने प्रयत्नशील आहेत.
मंत्री गिरीश महाजन यांच्या वैद्यकीय सहायता कक्षाच्या माध्यमातून तसेच आमदार अमोल जावळे यांच्या मार्गदर्शनातून शासनाच्या विविध आरोग्यविषयक योजना आणि वैद्यकीय सेवांचा लाभ गरजू रुग्णांपर्यंत पोहोचविण्यासाठी शिवाजी पाटील कार्यरत आहेत. आर्थिक अडचणींमुळे उपचार घेणे कठीण असलेल्या रुग्णांना योग्य मार्गदर्शन मिळावे, तसेच उपचारासाठी आवश्यक मदत उपलब्ध व्हावी, यासाठी ते पुढाकार घेत आहेत.
याबाबत शिवाजी पाटील म्हणाले, “माझा वाढदिवस हा माझ्यासाठी केवळ उत्सवाचा दिवस नसून समाजातील गरजू व्यक्तीच्या चेहऱ्यावर समाधानाचे हास्य आणण्याचा दिवस आहे. आरोग्यसेवेपासून कोणताही गरजू नागरिक वंचित राहू नये, हीच माझी इच्छा आहे.”
जनसेवेच्या माध्यमातून वाढदिवस साजरा करण्याच्या या उपक्रमातून आरोग्यसेवा आणि सामाजिक बांधिलकीचा संदेश देण्यात येत आहे. ‘सेवा हीच समाजाची खरी शक्ती’ या भावनेतून शिवाजी पाटील यांचे जनसेवेचे कार्य सुरू आहे.
