जळगावं प्रतिनिधी – वंचित बहुजन आघाडीचे उमेदवार ललित घोगले यांची वाघनगर नवनाथ नगर येथे कॉर्नर मिटिंग आयोजित करण्यात आली होती. नवनाथ नगर येथील शिव मंदिर येथे दर्शन घेऊन बैठकीला सुरुवात करण्यात आली. याप्रसंगी येथील नागरिकांनी ललित घोगले यांचा सत्कार करीत प्रचाराचे पॅम्प्लेट दाखवून स्वतः प्रचार करण्याचा निर्धार केला. याप्रसंगी पदाधिकारी व नागरिकांनी ‘ ललित भाऊ तुम आगे बढो हम तुम्हारे साथ हे!. वंचित आघाडीचा विजय असो, सिलेंडरला मत विकासाला मत अशा घोषणा दिल्या.
यावेळी ललित घोगले हे अगदी भारावून गेले होते. त्यांनी सर्वांचे आभार मानत आशीर्वाद घेतले. वंचित आघाडीचे उमेदवार इंजि. ललित घोगले यांना शहरात चांगला प्रतिसाद मिळत आहे. त्यामुळे वंचीत आघाडीचे सर्व पदाधिकारी व कार्यकर्ते यांच्यामध्ये उत्साहाचे वातावरण तयार झाले असून, सगळेच जण जोमाणे कामाला लागले आहेत.
याप्रसंगी जिल्हाध्यक्ष प्रमोद इंगळे, युवा जिल्हाध्यक्ष जितेंद्र केदार, अर्जुन पाटील, दिगंबर सोनवणे, राहुल सुरवाडे, गोकुळ सोनवणे, सागर केदार, अंकित मौर्य, अतुल पवार आदी पदाधिकारी व कार्यकर्ते नागरिक उपस्थित होते.
