जळगाव – शिवसेना नेते तथा युवासेना आदित्य ठाकरे शुक्रवार दि. 25 ऑक्टोबर 2024 रोजी जळगाव जिल्ह्याच्या दौऱ्यावर येत असून सकाळी 10 वा. जळगाव विमानतळ येथे त्यांचे आगमन होणार आहे. 11 वा. गुरूकुल शाळेजवळ सिंधी कॉलनी पाचोरा येथे सभेला संबोधित करणार आहेत. तद्नंतर सिंधी कॉलनी ते प्रांत कार्यालय पाचोरा पर्यंत रोड-शो आयोजित करण्यात आला आहे. दुपारी 1 वा. प्रांत कार्यालय येथे शिवसेना – उद्धव बाळासाहेब ठाकरे पक्षाच्या पोचारा-भडगाव विधानसभा मतदार संघाच्या उमेदवार वैशाली सुर्यवंशी – पाटील यांचा उमेदवारी अर्ज दाखल करण्यासाठी उपस्थित राहणार आहेत.
दुपारी 3 वा. जळगाव विमानतळ येथून मुंबईच्या दिशेने रवाना होणार आहेत, अशी माहिती शिवसेना उपनेते तथा संपर्क प्रमुख संजय सावंत व युवासेना उत्तर महाराष्ट्राचे विभागीय सचिव विराज कावडीया यांनी दिली आहे.
