जळगाव – येथील ज.जि.म.वि.प्र.सह.समाज संस्थेच्या संचालक व समन्वयकांची सभा संस्थेच्या मुख्य कार्यालयात संस्थेचे मानद सचिव निलेश भोईटे यांच्या अध्यक्षतेखाली घेण्यात आली.
यावेळी दिल्ली येथे झालेल्या प्रजासत्ताक दिनाच्या परेडमध्ये महाविद्यालयाची विद्यार्थिनी कु सोनाली विकास पाटील हिची गार्ड ऑफ ऑनर पदी निवड झालेली होती. तसेच दिल्ली येथील नामांकित संस्था ब्लॅक पर्ल आर्ट्स या संस्थेतर्फे आयोजित करण्यात आलेल्या राष्ट्रीय नाट्य स्पर्धेत प्रथम क्रमांक मिळविणारे हलगी सम्राट नाटकाचे दिग्दर्शक हनुमान सुरवसे या दोघांचा सत्कार संस्थेचे मानद सचिव निलेश भाऊ भोईटे यांच्या तर्फे करण्यात आला. यावेळी संस्थेचे संचालक,प्राचार्य डॉ.एल.पी.देशमुख, प्राचार्य डॉ बी के सोनवणे, प्राचार्या डॉ संध्या सोनवणे, सर्व मुख्याध्यापक तसेच एन सी सी विभाग प्रमुख प्रा. शिवराज पाटील, प्रा.हेमाक्षी वानखेडे व इतर प्रतिनिधी मोठ्या प्रमाणावर उपस्थित होते.
