जळगाव प्रतिनिधी – पोलिस असल्याची बतावणी करून शहरातील जिल्हापेठ पोलिस ठाणे हद्दीत एका जणाच्या हातातील मोबाइल लांबवणाऱ्या दोन तोतया पोलिसांना स्थानिक गुन्हे शाखेच्या पथकाने अटक करून चोरीचा मोबाइल हस्तगत केला.
पोलिस कर्मचारी असल्याची बतावणी करून जिल्हापेठ पोलिस ठाण्याच्या हद्दीत राहणाऱ्या एका जणाच्या हातातून १० हजार रुपये किमतीचा मोबाइल लांबवल्याप्रकरणी जिल्हापेठ पोलिस ठाण्यात गुन्हा दाखल करण्यात आला होता. या गुन्ह्यातील संशयित शहरात असल्याची गोपनीय माहिती स्थानिक गुन्हे शाखेच्या पथकाला मिळाली. त्यानुसार पोलिस निरीक्षक किरणकुमार बकाले यांच्या पथकाने जहीर मोहम्मद नूर मोहम्मद (वय २८, रा. भिलपुरा चौक) व जुबेर खान वाहब खान (वय २१, रा. इस्लामपुरा) या दोघांना गोपनीय माहितीच्या आधारे शनिवारी अटक केली.
