पाचोरा, प्रतिनिधी । तालुक्यातील एका गावाजवळ दोन दुचाकींची समोरासमोर धडक झाल्याची घटना घडली. या घटनेत दोन जण जागीच ठार झाले आहे. याप्रकरणी जखमींना पाचोरा रुग्णालयात दाखल केले आहे.
या दोन्ही दुचाकींचे मोठे नुकसान झाले आहे. नरेंद्र भगवान गव्हाळे (वय – २०), रा. चिंचपुरे ता. पाचोरा व जीवन संतोष कदम (वय – १७) रा. भोजे ता.पाचोरा या तरुणांच्या नावांचा समावेश असून इतर दोन जखमी जखमी तरुण बबन तडवी (वय – २५) व जब्बार तडवी (वय – ४५) हे गंभीर जखमी झाले आहेत. ते पाचोरा येथे खाजगी रुग्णालयात उपचार घेत आहेत. अपघात झालेल्या दोन्ही दुचाकींचे क्रमांक एम. एच. १९ डी. ए. ०३६१ व एम. एच. १९ – १४३६ असे असून अपघाताचे वृत्त कळताच १०२ रुग्णवाहिका चालक बाजीराव गीते यांनी चौघांना पाचोरा ग्रामीण रुग्णालयात भरती केले दरम्यान पाचोरा ग्रामीण रुग्णालयाचे वैद्यकीय अधिक्षकक डॉ. अमित साळुंखे यांनी दोघांना मृत घोषित केले आहे. दरम्यान घटनेचे वृत्त कळताच जिल्हा परिषद सदस्य मधुकर काटे, राष्ट्रवादीचे जिल्हा उपाध्यक्ष विजय पाटील, भारतीय जनता युवा मोर्चाचे परेश पाटील यांनी पाचोरा ग्रामीण रुग्णालयात धाव घेतली होती. तर अपघातस्थळी पिंपळगाव पोलीस स्थानकातील कर्मचाऱ्यांनी धाव घेत रुग्णवाहिका बोलावत जखमींना पाचोरा रुग्णालयात पाठवत वाहतूक सुरळीत केली.
