जळगाव, प्रतिनिधी । चांदवड येथील श्री.एस.एन. जे. बी संस्थेचे आबड कला, लोढा वाणिज्य व जैन विज्ञान महाविद्यालयातील वनस्पतीशास्त्र विभागाचे सहायक प्रा. मयुर पाटील यांना नुकतीच सावित्रीबाई फुले पुणे विद्यापीठाची पीएचडी पदवी प्रदान करण्यात आली.
स्टडीज ऑन वाइल्ड ग्रेन लेग्युम्स फ्रॉम वेस्टर्न घाट – नाशिक डिस्ट्रिक्ट, महाराष्ट्र, इंडिया या विषयावर संशोधन प्रबंध सादर केला.त्यांना एच पी टी आर्ट्स , आर वाय के सायन्स कॉलेज चे वनस्पतीशास्त्र विभाग प्रमुख प्रा.डॉ.संजय औटी यांचे मार्गदर्शन लाभले. मयुर पाटील हे सुरेश दिगंबर पाटील प्राथमिक शिक्षक रा.गोरगावले बुद्रुक ता.चोपडा ह.मु.शिव कॉलनी,जळगाव यांचे चिरंजीव असून सध्या नाशिकला स्थायिक आहेत. संस्थेचे प्राचार्य तसेच संचालक मंडळ यांनी त्यांचे अभिनंदन केले.
