जळगाव प्रतिनिधी । सावखेडा शिवारातील ४० वर्षीय व्यक्तीचा खून झाल्याची धक्कादायक घटना बुधवारी रात्रीच्या सुमारास घडली. याप्रकरणी तालुका पोलीस स्थानकातील कर्मचाऱ्यांनी एका संशयित आरोपीला ताब्यात घेतले आहे.
जळगावातील सावखेडा शिवारात श्रावण लालचंद भिल (वय ४०) त्याच्या डोक्यात कुऱ्हाडीने घाव घालून खून झाल्याची घटना बुधवारी रात्री साडेदहा वाजेच्या सुमारास घडली. दरम्यान संशयिताला पोलिसांनी ताब्यात घेतल्याची माहिती मिळत असून घटनास्थळी सहायक पोलीस उपअधीक्षक कुमार चिंता यांच्यासह पोलिसांचा ताफा दाखल झाला आहे. मृतदेह जिल्हा रुग्णालयात आणण्यात आला आहे. तालुका पोलिस स्थानकात गुन्हा नोंदविण्याचे काम सुरू होते.
