जळगाव – बांभोरी येथे सागर देवीदास सोनवणे व भास्कर अशोक नन्नवरे हे दोन्ही तरुण गावठी पिस्तूल घेऊन फिरत होते. त्यांच्याकडून एक गावठी कट्टा व ८ काडतूस जप्त करण्यात आले असून तालुका पोलीस स्टेशन येथे गुन्हा दाखल करण्यात आला आहे.
याबाबत सविस्तर माहिती अशी कि बांभोरी येथील सागर सोनवणे व भास्कर नन्नवरे हे दोन्ही तरुण गावठी पिस्तूल घेऊन फिरत असल्याची माहिती मिळाली होती त्याअनुसंगाने पोलीस अधीक्षक प्रवीण मुंढे व अपर पोलीस अधीक्षक चंद्रकांत गवळी यांच्या मार्गदर्शनाखाली स्थानिक गुन्हा शाखेचे अनिल जाधव, अशरफ शेख , दीपक कुमार शिंदे , विजय चौधरी यांनी बांभोरी येथे जाऊन आव्हाणे गावातून दोन्ही आरोपींना ताब्यात घेतले.
सागर सोनवणे कडून पंचवीस हजार रुपये किमतीचे सिल्वर रंगाचा गावठी कट्टा व २ काडतूस जप्त करण्यात आले तर भास्कर नन्नवरे यांच्याकडून तीन हजार सातशे पन्नास रुपये किमतीचे ६ काडतूस मिळून आले व त्यांची मोटार सायकल ही ताब्यात घेण्यात आले असून जळगाव तालुका पोलीस स्टेशन येथे गुन्हा नोंदविण्यात आला आहे.