जळगाव प्रतिनिधी । शहरापासून थोड्याच अंतराजवळील खेडीजवळ इंदिरा नगर व त्रिमूर्ती हॉटेलजवळील पिपल्स बॅंकेसमोरून दुचाकीची चोरी झाल्याची घटना घडली. याप्रकरणी अज्ञात चोरट्यांविरुद्ध एमआयडीसी पोलीस स्थानकात गुन्हा दाखल करण्यात आला आहे.
इंदिरा नगर येथील प्रविण शालीक कोळी (वय-४२) रा. इंदीरा नगर खेडी. ता.जि.जळगाव यांच्या घरासमोर दुचाकी (एमएच १९ सीडी ८३५४) पार्किंगला ९ मे रोजी रात्री १०.३० वाजता लावली होती. मध्यरात्री अज्ञात चोरट्यांनी दुचाकी लांबविल्याचे १० मे रोजी सकाळी सात वाजता उघडकीला आले. तर दुसऱ्या घटनेत पवन रमेश कोळी (वय-३०) रा. कुसुंबा साईराम चौक हे बँकेच्या कामानिमित्त ८ मे रोजी दुपारी १२.३० वाजेच्या सुमारास जळगाव औरंगाबाद रोडवील जळगाव पिपल्स बँकेत दुचाकी (एम. एच १९ बीए ७०३८) ने आले.
पिपल्स बँकेच्या आवारातील मोकळ्याजागेत त्यांनी दुचाकी पार्किंगला लावली. १५ मिनीटात बँकेचे काम आटोपून ते घरी जाण्यासाठी निघाले असता जागेवर दुचाकी आढळून आली नाही. दोन्ही घटनेप्रकरणी एमआयडीसी पोलीसात गुन्हा दाखल करण्यात आला आहे. पुढील तपास सहाय्यक फौजदार आनंदसिंग पाटील आणि पोना. गणेश शिरसाळे करीत आहे.
