चाळीसगाव – भारतीय जनता पक्षाची ६ एप्रिल १९८० रोजी स्थापना झाली. आज भारतीय जनता पार्टीच्या ४१ व्या स्थापना दिनानिमित्त चाळीसगाव येथील खासदार जनसंपर्क कार्यालयात स्व. पंडीत दीनदयाळ उपाध्याय, स्व. शामा प्रसाद मुखर्जी, भारतरत्न माजी पंतप्रधान स्व. अटल बिहारी वाजपेयी* यांच्या प्रतिमेचे पूजन खासदार उन्मेश दादा पाटील यांनी केले.
यावेळी भाजपा जिल्हा उपाध्यक्ष के बी दादा साळुंखे, पंचायत समितीच्या माजी सभापती स्मितल बोरसे, पंचायत समितीचे माजी सदस्य दिनेश बोरसे, माजी प.स. सदस्य रविंद्र चौधरी तरवाडेकर, माजी सरपंच रविआबा जामदेकर , संजयभाऊ चौधरी,शेषराव चव्हाण, बबडी शेख, अमीत सुराणा कार्यकर्ते उपस्थित होते. याप्रसंगी भारतीय जनता पार्टीचा विजय असो अशी घोषणा देत जल्लोषात स्थापना दिवस साजरा करण्यात आला. भाजपा स्थापना दिनाच्या निमित्ताने कोरोना योद्धा डॉ. राहुल देव वाघ यांचा सत्कार करण्यात आला.
